Wednesday, May 23, 2018

சொர்கத்துக்கே ஒரு கோவிலாமே.... சீனதேசம் - 14

இன்றைக்கு நல்ல நாளாக் கொடுக்கச் சொல்லிப் பெருமாளை வேண்டிக்கிட்டே எழுந்து தயாராகிக் காலை காஃபியை குடிச்சதும்தான் நேத்து ராத்ரி சமைச்ச சாதம் பாக்கி  இருக்கேன்னு நினைவுக்கு வந்துச்சு. ப்ரஞ்ச் முடிச்சுக்கலாமுன்னு ஐடியா! வெண்ணெய் வேற இருக்கே :-)
பத்தரை மணிக்குக் கிளம்பிக் கீழே போய்  டாக்ஸிக்குச் சொன்ன பத்து நிமிட்டில் வண்டி வந்துருச்சு. டெம்பிள்  ஆஃப் ஹெவன் போறோம். எல்லாரும் கோவிலுக்குப்போய் சாமி கும்பிட்டு, அதன் பயனா சொர்கம் போவாங்க.  இங்கே என்னன்னா சொர்கத்துக்கே ஒரு கோவில் கட்டி விட்டுட்டாங்க.   கும்பிட்டா நேரடியா சொர்கம்தான், இல்லே?  இது(வும்)  ரொம்ப தூரம் இல்லை. நாலு கிமீக்கும் குறைவுதான்.  ட்யனமென் ஸ்கொயர் இருக்கும் பத்து லேன் சாலையைக்  குறுக்கே கடந்து நேராப்போறோம்.

மரத்துக் கிளையிலே கரடியா உக்கார்ந்துருக்கு? இல்லை கருப்பு நாயா?  போற போக்கில்  க்ளிக்குனதுதான்.  இந்தப் பயணத்துலே,  அன்றன்று எடுத்த படங்களை  லேப்டாப்பில் லோட் பண்ண முடியாமல் ஒரு பிரச்சனை. எடுத்த படங்கள் என்ன அழகில் வந்துருக்குன்னு  தெரியலை.....  ஆறது ஆகட்டுமுன்னு படபடன்னு க்ளிக்கிக்கிட்டே போறேன். ஊருக்குப்போய்த்தான் பார்க்கணும். நல்லவேளை நூத்திநாப்பது ஜிபிக்கு உண்டான எஸ்டி கார்ட்ஸ் கொண்டு வந்துருக்கேன் என்பதால் இடப்பத்தாக்குறை பிரச்சனை இல்லை.

டாக்ஸிக்கு சீனக்காசு முப்பதுதான் ஆச்சு. உள்ளே போகக் கட்டணம் உண்டு. ஆளுக்கு முப்பத்திநாலு.  வெளியவே உள்ளே என்ன இருக்குன்றதுக்கான விளக்கம் .

முகப்பு வாசலைக் கடந்து உள்ளே போறோம்.  பெரிய இடம்தான். வரிசையா மரங்களுக்கிடையில் கல்பாவிய பாதைகள்!  ஒரு நூறு மீட்டர் இருக்கும்.
அடுத்து வர்றது, சீனக்கூரை அமைப்புடன் இருக்கும் அலங்கார நுழைவுவாசல்.  மூணு பகுதிகளும், பிரமாண்டமானக் கோட்டைக்கதவுகளுமா இருக்கு!  அதோ.... அங்கே தூரத்தில் கோவில் கோபுரம் !  அடடா......   என்ன அழகுப்பா!!!

கடந்து உள்ளே காலடி எடுத்து வைக்குமிடமே வளாகம் எவ்ளோ பெருசா இருக்கப்போகுதுன்னு கட்டியம் சொல்லுது!  இதுவும் நூறு மீட்டருக்குக் குறையாது.  தூரத்துலே என்னமோ  டிவி ஸ்க்ரீன் மாதிரி இருக்கேன்னு பார்த்தால் குழந்தைகளுக்கான கார்ட்டூன் ஓடிக்கிட்டு இருக்கு!  உலகம் பூராவும், சின்னப்பசங்களை இந்தக் கார்ட்டூனும் டிவியும் எப்படிப் புடிச்சுப்போட்டுருக்குன்னு பாருங்க....
எங்கூர் ஹேக்ளிபார்க்கை நினைவுபடுத்தும் விதமா வரிசை வரிசையா நட்டு வளர்ந்து நிக்கும் மரங்கள் !
இந்த வளாகம்  கொஞ்சம் பெருசுதான். ஒன்னுமில்லை.... ஒரு இருபத்தியேழு லட்சம் சதுர மீட்டர்னு கணக்கு சொல்றாங்க. அறுநூத்தி அறுபத்தியேழு சொச்சம் ஏக்கர் நிலமாம்! யம்மாடியோ...   (கால் வலி நிச்சயம்!)

பதினைஞ்சாம் நூற்றாண்டு ஆரம்பத்தில் கட்டியிருக்காங்க. பொங்கல் பண்டிகைக்குன்னே கட்டுனாங்கன்னு சொல்லணும். அந்தந்த வருசம்  விளைச்சல் அமோகமா இருக்கணுமுன்னு கோவில் கட்டி,  காவு கொடுத்து,  சாமி கும்பிட்டுக் கொண்டாடும் இடம்!

நாங்க ஒரு பக்கம் சுத்தி மேலே கோவிலுக்குப் போகும் படிகளுக்கு வந்தால் அங்கேயும் ஒரு  டிக்கெட் கவுன்ட்டர் இருக்கு. விலை மலிவு வேற!  விசாரிச்சால் நம்ம டிக்கெட் தோட்டத்துக்கும் கோவிலுக்கும் சேர்ந்தே இருக்காம். தோட்டம் பார்க்கத் தனிக் கட்டணம். உள்ளே வந்தவங்க, மனசு மாறி திடீர்னு மேலே கோவில் பார்க்கணுமுன்னா இங்கே கோவிலுக்கான டிக்கெட் வாங்கிக்கலாம். ரொம்ப நல்லது. இவ்ளோ பெரிய தோட்டத்தைச் சுத்திட்டு மனசு மாறினால்........   அது சரி,  திரும்ப எவ்ளோன்னு நடக்கறது  வளாகத்தின் முன்வாசல் டிக்கெட் கவுன்ட்டருக்கு! நல்லாத்தான் யோசிச்சுச் செஞ்சுருக்காங்க.!
படிகளில் ஏறி மேலே  சீனக்கூரை வாசலுக்குப் போனால்  தானியங்கி டிக்கெட் செக் இருக்கு. அதுலே  நம்ம டிக்கெட்டை வச்சு எடுத்துக்கணும். யூ மே கோ நௌ :-) turnstile தள்ளினால் ஆச்சு .

உள்ளே பிரமாண்டமான  சதுர முற்றம்.  வாசலுக்கு நேரா இன்னும் உயரத்தில்  கோவில்.  முற்றத்தின் ரெண்டு பக்கங்களிலும்  கட்டடங்கள் தனித்தனியா....
மேலே கோவிலுக்குப் போக படிகள். ஏறிப்போகும்போதே  வட்ட  வட்டமா  பிரகாரங்கள் போல  இடுப்பளவு சுற்றுச்சுவர். மூணாம் பிரகாரத்தின்  நட்ட நடுவில் வட்டக்கோவில்!
கேரளக்கோவில்களில் இப்படி வட்டக் கருவறைகளைப் பார்த்துருக்கோம்!  இங்கே மேலே மூணடுக்குக் கூரை. அதுக்கும்மேலே  ரப்பர்ஸ்டாம்ப் கைப்பிடி டிஸைனில் ஒரு அமைப்பு!
சாமி எந்தப் பக்கம் இருப்பாருன்னு தெரியாதே.... அதுதான் வட்ட வடிவ அமைப்புலே கோவில் கட்டீருக்காங்க!  சொர்க்கத்துலே கோவில் இப்படித்தான் இருக்கணுமுன்னு கணிப்பு.

இங்கேயும் வாசல் மூணு!  உள்ளே கால் வச்சுப் பார்க்க அனுமதி இல்லை. ஒரு கம்பித்தடுப்புப் போட்டு வச்சு, அதுக்கு அந்தாண்டை நின்னு விளக்கம் சொல்றாங்க சில பெண்கள். கோவில் கைடு?  பயணிகள் அதிகம் வர்ற இடம் என்பதால் அவுங்களுக்குக் கூடுதல் தகுதியா இங்லிஷ் தெரிஞ்சுருக்கு!  நமக்கும் நல்லது.
முப்பத்தியெட்டு மீட்டர் உசரத்துலே விதானம்.  வட்டக் கட்டடத்தின்  விளிம்போரத்தில்  பெருசா பனிரெண்டு சிகப்புக் கலர் தூண்களில் தங்கக்கலர் டிஸைன்கள் போட்டு,  சுத்திவரக் கூரையைத் தாங்கி நிக்குது!  இது  தூணுக்கு ரெண்டு மணின்னு  நாளின் இருபத்திநாலு மணி நேரத்தைக் குறிக்குமாம்.  வட்டத்தின் விட்டம் முப்பத்தியாறு மீட்டர். மேலே போகப்போகக் குறுகி இருக்கு.

அங்கே இருந்து   இறங்கும்   ட்ராகன் படம் வரைஞ்ச நாலு சிகப்புத் தூண்கள், வட்டத்தை நாலாப் பிரிக்குதே அவை நாலு பருவங்களாம்.

இந்த பனிரெண்டு தூண்கள் மட்டுமில்லாமல் இன்னும்  கொஞ்சம் ஒல்லியான சின்னத்தூண்கள் பனிரெண்டு இருக்கு.    இவை பனிரெண்டு மாசத்தைக் குறிக்கும் பனிரெண்டு தூண்கள். ஆகமொத்தம் அங்கிருக்கும் இருபத்தியெட்டுத் தூண்கள், நிலாவின்  வளர்ந்து குறுகும் (ஃபுல் மூன், நியூ மூன் ஃபுல் மூன்)  இருபத்தியெட்டு விதத்தைச் சொல்லும் கணக்குன்னு  என்னென்னவோ சொல்லிக்கிட்டே போறாங்க விளக்கம் சொல்லும் அம்மிணி.   ( அமாவாசை டு அமாவாசைன்னு திதிகள் கணக்கு போல !)

இவுங்களும் லூனார் கேலண்டர்தான் பயன்படுத்தறாங்க!
கண்ணுக்குத் தெரிஞ்ச சாமிகளா, சூரியனும் சந்திரனும் இருப்பதால் இவைகளை வச்சுத்தான் கேலண்டர் பல நாடுகளில்.  உலகத்துக்குப் பொதுவா இன்னொரு கேலண்டரா இங்லிஷ் கேலண்டரையும்  ( Gregorian calendar)எடுத்துக்கிட்டோம்.  இது புழக்கத்தில் வந்தது 1582 இல்தான். அதுக்கும் முந்தி வெவ்வேற விதமா அவுங்க நாட்களையும் மாசங்களையும் கணக்குப் பண்ணியிருக்காங்க.   ஆனால் உண்மையைச் சொன்னா.... நம்மதுதான் ஆதிகாலத்து சமாச்சாரம்.  சூரியனும் சந்திரனும்  எத்தனை யுகங்களா  இருக்கோ... யாருக்குத் தெரியும்?

இத்தனைக்கும் நடுவிலே  உள்ளே இருக்கும் பளிங்கு ஆசனத்தில் ராஜாவும் அவர் குடும்பத்தினரும்  வந்து  உக்கார்ந்து,  விளைச்சல் அமோகமா இருக்கணுமுன்னு சாமி கும்பிடுவாங்களாம். வருசத்துக்கு ரெண்டுமுறை, அரசரும் குடும்பத்தினரும் விசேஷ உடுப்பெல்லாம் போட்டுக்கிட்டு இங்கே வந்து தங்கி மரக்கறி  சாப்பாடுகளை மட்டும் சாப்பிடுவாங்களாம். விரதம் ?  அந்த ரெண்டுமுறை எப்பன்னா.....மிட் வின்ட்டர், மிட் சம்மர்னு  சூரியன்  வடக்கேயும் தெற்கேயுமா போய் வர்ற  சமயமாம்.  ஐயோ.... இது நம்ம உத்தராயணம், தக்ஷிணாயணம் இல்லே? 

அவுங்க சொல்லச் சொல்ல,  எட்டி எட்டிப் பார்த்துக்கிட்டே க்ளிக் பண்ணுனதுதான்.  படங்கள் சுமாராத்தான் வந்துருக்கு.
இந்த மொத்தக் கோவில் கட்டடமும் முழுக்க முழுக்க மரத்தால் கட்டுனதுதான். ஒரு ஆணி கூட  அடிக்காமல் கட்டுனதாம்!   ஒரு சமயம் மின்னல் தாக்கி எரிஞ்சே போனதைத் திருப்பியும் கட்டியிருக்காங்க.
வட்ட முற்றத்தில் நின்னு  நாமும் கொஞ்சம் க்ளிக்கினோம்.  உயரத்தில் இருப்பதால்  அங்கிருந்து சுத்திவரப் பார்க்கும்போது பிரமிப்புதான்!
மேலே போய்வரும் படிவரிசைகளுக்கிடையில் இருக்கும் இடத்திலும் மார்பிள் பலகையில் ட்ராகன்களைச் செதுக்கி வச்சுருக்காங்க.  சிங்கமும் ட்ராகனும்தான் ரொம்பவே ஒசத்தி இந்த சீனக் கலாச்சாரத்துலே!
பிரகாரம் விட்டிறங்கி  ரெண்டு பக்கமும் இருக்கும்  ஒரு  நீளக் கட்டடத்துக்குள் போனால்....  சாமி சந்நிதிகளா  இருந்துச்சு.   நடுவிலே பெருசும், பக்கத்துக்கு நாலா    சேர்த்து மொத்தம் ஒன்பது சந்நிதிகள். சின்னச்சின்னப் படிகள் வரிசையின் மேலே  அலமாரி போல ஒன்னு.  அதுலே விக்ரஹம் ஏதும் இல்லை.  ஒரு திரை போல துணி மட்டும்.  சிதம்பர ரகஸியம் ? சீனத்தில் என்னவோ எழுதி இருக்கு!


 இன்னொரு கட்டடத்தில்  சின்னதா  ம்யூஸியம் இருக்கு.  இந்தக் கோவிலின் கட்டட அமைப்புகளையெல்லாம்  அப்படியே சின்ன  மாடலாப் பண்ணி வச்சுருக்காங்க. கூடவே கட்டடங்களைப் பத்தின விளக்கங்களும்!





இதைப் புதுப்பிச்சுக் கட்டுனப்ப எந்தமாதிரி டைல்ஸ் சீனக்கூரைக்குப் போட்டாங்கன்ற தகவல்களும் உண்டு!
சிகப்பும் பச்சையுமா மூங்கில் மாதிரியே டிஸைன் செஞ்ச ஓடுகள்.  கீழே முடியும் இடத்துலே  அரசர்களுக்குரிய அடையாளம்..... ட்ராகன்தான் இலட்சினை!
இந்த முற்றத்தின் ஒரு மூலையில் சின்னதா ஒரு பொட்டிக்கடை. கூடவே பழங்கால உடுப்பு வாடகைக்கு எடுத்துப் போட்டுக்கிட்டுப் படம் புடிச்சுக்க ஒரு ஏற்பாடு!
கொஞ்சம் அந்தாண்டை ஒரு வாசலும் மூடிய கதவுமா இருக்கேன்னு பார்த்தால் இதுக்குப் பெயர் எழுபது வருசக் கதவுன்னு தகவல் பலகை!

பதினெட்டாம் நூற்றாண்டில் (1781) ஆட்சியில் இருந்த அரசருக்கு எழுபது வயசாயிருச்சு. அவரால் முன்னைப்போல  சட்புட்டுன்னு நடக்க முடியலை. வயோதிகம்.....  அதனால் இங்கே நடக்கும் பூஜை புனஸ்காரங்களுக்கு வந்து கலந்துக்க ஒரு தனிக் கதவு கட்டி,  ரொம்ப தூரம் நடக்காம  இதன் வழியா வர ஏற்பாடு ஒன்னு செஞ்சாங்க.  கதவாண்டைவரை  வர பல்லக்கு இருந்துருக்குமோ?

ராஜா நினைச்சாரு.... 'நமக்குத்தான் வயசாகி இப்படி நடக்க முடியலை. ஷார்ட்கட் வழி இருக்குன்னு தெரிஞ்சா நம்ம குடும்பத்துப் பயபுள்ளைகளும்  நடக்கச் சோம்பல் பட்டுக்கிட்டு இது வழியா வர ஆரம்பிச்சா நல்லாவா இருக்கும்?  போடு ஒரு அரச கட்டளை! எழுபது வயசான அரசர் மட்டுமே இதன் வழியா உள்ளே வரலாம்.  அறுபத்தியொம்பதுன்னாக்கூட அனுமதி இல்லை !'

எந்த நேரத்துலே இப்படி ஒரு  சட்டம் போட்டாரோ...... அவருக்குப்பின் அரியணை ஏறுன  எந்த அரசருமே எழுபதை எட்டிப்பார்க்கவே இல்லையாம்!  அடப்பாவமே.....  பூட்டுன கதவு இன்னைக்கும் பூட்டுனபடியே இருக்கு!
மூட்டுவலி கேஸ்களுக்கு அனுமதி கொடுத்துட்டுப் போயிருக்கப்டாது? ப்ச்...

அடுத்த பகுதிக்குப்போக  கோட்டைக்கதவுகளோடு ஒரு கட்டடம். பத்துப் படிஏறி இறங்கணும்.  எல்லாக் கட்டட நுழைவுகளும் மூணு  வாசலோடு இருக்கு.  நடுவாசல்  சாமிக்கு மட்டும்!    கிழக்கு வாசல் அரசருக்கும் மேற்குவாசல்  மற்ற மந்திரி ப்ரதானிகளுக்கும்!
 இந்தக் கட்டடத்துலேயே ஒரு  நினைவுப்பொருள் கடை. காஃபியும் கிடைக்கும். சீன உடுப்புகளோடு பொம்மைகள் விற்பனைக்கு !  ரொம்பவே அழகு!
பத்துப் படிகள் இறங்கியதும் ஒரு பிரகாரம். இங்கேதான்   பலி கொடுக்கும் இடமும், பலியிட்டவைகளைச் சுட்டு எரிக்க உண்டான விறகடுப்பும்.  அப்படித்தான் எழுதி இருக்காங்க.  இது  யாக குண்டம்னு நினைக்கிறேன். நல்ல உயரமா இருக்கு. ஏழெட்டுப்படிகள் ஏறிப்போகணும்.  பலியிட்டவைகளின் ரத்தம் பெருகி ஒரு குழியில் போய்ச் சேர, வாகாய் கட்டியும் விட்டுருக்காங்க.

 அங்கங்கே வெளிச்சத்துக்குக் கட்டைகளை எரிக்க  இரும்பாலான  அமைப்புகள். இதுலேயே குளிரும் காய்ஞ்சுக்கலாம்.


  இண்டுவுக்கு டிமாண்ட் வந்துருச்சு :-)

 அதென்னமோ  ஹால் மாதிரி கட்டி இருப்பவைகளைம், ஒரு வளாகம் இல்லை ப்ரகாரத்துக்குள் வரும் நுழைவு வாசல்களையும் ஒரே மாதிரி ப்ரமாண்டமாக் கட்டி வுட்டுருக்காங்க.

 பெருசா மூணு வாசல்,  மூணு கேட்.....  இருந்தால் அது நுழைவுவாசல்னு  புரிஞ்சுக்கணும்:-)  கோவிலின் இந்தப் பகுதியைக் கடந்து அப்படியே  வெளியே போகலாம்.
வெளியேன்னா.... வெளியே இல்லையாக்கும்.... ஓடிப்போய்டாதீங்க.....

தொடரும்....:-)


Monday, May 21, 2018

ஆப்பரேஷன் பட்டர்............. மிஷன் ஓவர் ........... சீனதேசம் - 14

எனக்கானவை இருக்குமிடம் வேறேன்னு கோவிலில் இருந்து  வெளியில் வந்து கடைகள் வரிசையைப் பார்த்துக்கிட்டே நகரும்போது   கண்ணில் பட்டது.   சட்னு அந்தக் கடைக்குள் நுழைஞ்சேன்.  மூணு ஜோடித் தந்தம்  வாயில் வச்சுருக்கும் யானை மேலே,  தண்டோடு இருக்கும் தாமரையை ஏந்தியபடி 'சாமி' உக்கார்ந்துருக்கார்!  யார் ,என்ன,  என்பதற்கு  விளக்கம்  இல்லை. கேட்டால் மட்டும்.................  என்ன பதில் வருமுன்னு தெரியாதா ? புத்தா.....  இங்கே எங்கும் எதிலும் இருப்பார், அவர் யாரோ..............  பு  த் தா....


கால்குலேட்டர் பேரம் படிஞ்சு அவரை வாங்கியாச்:-)
கடைவீதியில் அங்கங்கே முடிச்சு முடிச்சாச் சின்னக்கூட்டம். எட்டிப் பார்த்தால் Mahjong விளையாட்டு போலதான் இருக்கு!   சின்ன மேஜை போட்டு அதுலே அடுக்கி வச்சுருக்கும்  அட்டைகளை வச்சு விளையாடறாங்க. நாலுபேர் விளையாட நாப்பதுபேர் அவுங்களைச்சுத்தி நின்னு ஊக்கு விக்கறாங்க.  இந்தக் கூட்டத்தைச் சேர்ந்தவரின் செல்லங்கள் ,  அங்கேயே உக்கார்ந்து அப்பாக்களுக்காகக் காத்துக்கிட்டு இருக்குதுகள்! விளையாட்டில் பெண்களும் கலந்துக்கறது மகிழ்ச்சியே!

அஞ்சு நிமிட் நாமும் நின்னு வேடிக்கை பார்த்தோம். கேம்  ரூல்ஸ் ஒன்னும் புரியலையே..... 


எனக்குக் கொஞ்சம் 'பூக்கள்' வாங்கிக்கணும்.  வீட்டு உள் அலங்காரத்துக்குத்தான். 'இங்கே ஸில்க் மார்கெட் போயிடலாம்....  அங்கே கிடைக்குமு'ன்னு 'நம்மவர்' அடிச்சுச் சொன்னதால் ஒரு டாக்ஸியை நிறுத்தி, 'ஸில்க் மார்கெட்'ன்னு சொன்னதும்  ஓட்டுநர், மீட்டரைப் போட்டார். அட! மீட்டர் இருக்கா? ஆஹா.... நம்ம பக்கங்கள் மாதிரி  நம்ம கண்ணுக்கு முன்னால் இல்லாமல்,  ரியர்வியூ மிரருக்குப் பின்பக்கம் இருக்கு!

இருவது  நிமிசத்துலே  ஸில்க் ஸ்ட்ரீட் மார்கெட் கட்டடத்தாண்டை  வந்துட்டோம்.  மீட்டர் இருபத்தியெட்டு காமிச்சது.  முப்பதாக் கொடுத்ததும், ரெண்டு ஆரெம்பி திருப்பிக் கொடுத்தார்!  நியாயவான்கள் இருக்காங்க ! 

எட்டடுக்கு மாளிகை !  பூக்களைத் தேடிக் கொஞ்சம் அலைஞ்சோம். கிடைக்கலை.  ஆனால் அட்டகாசமா பொம்மைக் கடைகள் ஏராளம்!  லிட்டில் புத்தாஸ் ஒரு கடையில் விலை விசாரிச்சால் நானூத்தி எம்பதாம்.  ஹாஹா..... கால்குலேட்டரில் முப்பதுன்னு போட்டேன்.


கடைக்காரப்பொண்ணுக்குக் கண்ணில் ஒரே வியப்பு! கால்குலேட்டரை எங்கிட்டே இருந்து பிடுங்கி 'நம்மவர்' கையில் திணிச்சதும்..... இவர் முப்பத்தியஞ்சுன்னு மாத்தினார்.
'இப்ப என்ன சொல்றெ?'  என்ற பாவத்துடன் கால்குலேட்டர் என் கைக்கு வந்தது. நான் முப்பதுன்னு போட்டேன். ஆங்..........  இந்த மனுசர் எவ்ளோ நல்லவர். நீ ரொம்ப மோசம்னு  சட்னு  அந்தாண்டை தாவி, கிளிபோல் இவர் தோளில் தொங்கினாள் அந்தச் சுட்டி :-)  சின்னப்பொண்ணுதான். என்னம்மா வியாபாரம் செய்யுது பாருங்க....

நான் தேடும் புத்தா இது. கீழே படம்.
கடையில் இருப்பதில் கைக்கெட்டுனதை எடுத்து ஒரு அட்டையில் வச்சுப் பார்த்தேன். இவ்ளோவுமா வேணும்?  (இவர் பயம் இவருக்கு!) இல்லை. ஒரு ஆறு போதும்....
இவர் கணக்குப்படியே வந்த மொத்தத்தொகையில் இன்னும் பத்து கழிச்சுட்டு (ரவுண்ட் அப்!) இருநூறாக் கொடுத்து வாங்கியாச்.  அப்பதான் காலையில் நாம் வாங்குன யானை விண்ட்ச்சைம் பார்த்தேன். விலை அதிகமில்லை. எண்ணூறுதானாம்! பொண்ணு பேரம் பேசக் கால்குலேட்டரை நீட்டுனதும்,  காலையில் ஸிக்ஸ்டிக்கு வாங்கிட்டேன்னு சொன்னேன். நானும் ஸிக்ஸ்டிக்குத் தரேன்னு டபக்னு இறங்கி வந்தது வேடிக்கை. பாருங்க..... எவ்ளோ விலை வச்சு விக்கறாங்கன்னு.....
'நீங்க போனால்.... நல்லா பேரம் பேசி வாங்கணும் கேட்டோ! ஏமாந்துடக்கூடாது'ன்னுதான் இங்கே விளக்கமாச் சொல்லிக்கிட்டுப் போறேன்.

மேல் மாடியில் எதோ 'சூப்பர் மார்கெட் & இன்ட்டர்நேஷனல் ஃபுட்'ன்னு போர்டு பார்த்துட்டு அங்கே போனால்.... சூப்பர் மார்கெட்தான். 'நம்மவர்' ரொம்ப பவ்யமா 'சீனத்து வெண்ணைய் பேப்பரை' எடுத்து செக்கவுட்டில் இருந்த பெண்ணிடம் காமிக்கிறார். நான் சூப்பர்மார்கெட்டைப் பார்த்ததும்.... விடுவிடுன்னு உள்ளே போனால்..... டெய்ரி செக்‌ஷன் அதோ இருக்கு. ஓடிப்போய்ப் பார்த்தால் ஆப்ட்டது வெண்ணெய்!  ஆனாலும் நியூஸி வெண்ணைய் இல்லை. ஜெர்மெனி சமாச்சாரம் கிடைச்சது.
ஹைய்யோ.... ஆப்ட்டதுன்னாலும் இன்னும் ரெண்டுநாள்தான் இங்கே தங்கல். அதனால் சின்ன அளவில் கிடைக்குமான்னு பார்த்து குட்டிக்குட்டி டப் ஆறு இருக்கும் பொதி வாங்கியாச் :-) ஆறு ஸ்பூன் தான் மொத்தமும்!  ஹொட்டேலில் ப்ரேக்ஃபாஸ்ட்க்கு வச்சுருப்பாங்களே, குட்டியூண்டா...  அதே மாதிரி.... மினி பட்டர்.
எங்கூர்லே  அரைக்கிலோ அஞ்சே டாலர்னு சீப்படும்....

கீழே இறங்கி டாக்ஸி எங்கே கிடைக்குமுன்னு பார்த்தால்  ஒருத்தர் வந்து எங்கே போகணுமுன்னு கேட்டார்.
இந்த மாதிரி மொழி தெரியாத இடங்களில்  நம்ம லோக்கல் அட்ரஸ் இருக்கும் ஹொட்டேல் கார்டு வச்சுக்கணும் என்பது  ஒரு முக்கிய விதி. கார்டைக் காமிச்சதும் அறுவதுன்னார்.  அதிகமோன்னுட்டு வேண்டாமுன்னதும், சரக்னு இன்னொரு டாக்ஸி  நம்மாண்டை வந்து நின்னது.  'மீட்டர் போடுங்க'ன்னு சொல்லிக்கிட்டே நம்மவர் ஏறி உக்கார்ந்தாச்சு. கூடவே நானும்.

டாக்ஸியோட்டி சொல்றார், 'மீட்டர் போட்டால்  ஃபைவ் ஹன்ட்ரட் ஆகும்.  டு ஹண்ட்ரட் கொடு போதும்'னு!   ஙே......
'அது பரவாயில்லை....மீட்டர் போட்டா சரி. இல்லைன்னா நாங்க இறங்கிடறோம். வண்டியை நிறுத்து'ன்னு இவர் குரல் எழுப்ப (!) உர்ன்னு முகத்தை வச்சுக்கிட்டே வண்டியை நிறுத்தாம ஓட்டிக்கிட்டே போறார். 'மீட்டர் மீட்டர்'ன்னு இவர் அலற....  ஒன்னும் நடக்கலை. நான் எந்த விநாடியும் இறங்கத் தயாரா இருக்கேன்:-)
அறுபதுதான் தருவேன்னு இவர் சொல்லிக்கிட்டே இருக்கும்போதே வண்டி நம்ம ஹொட்டேலுக்குப் பக்கம் வந்து நின்னது. (நாலு கிமீ தூரம்தானாம்! அப்புறம் தெரிஞ்சுக்கிட்டது.)  எதிர்வாடையில் வரிசையா டாக்ஸி நிக்குது இங்கே.

நான் இறங்கி ரெண்டு க்ளிக் பண்ணும்போது  முறைச்சுப் பார்த்த டாக்ஸியோட்டி,  வண்டியின் பின்பக்கம் நம்பரைக் கிளிக்கப்போறேன்னு தெரிஞ்சதும் trunk cover ஐ சட்னு தூக்கினதோடே விர்னு பாய்ஞ்சு கிளம்பினார். என்ன திரிசமன் பாருங்க....

நம்மவர் வேற.... 'அவன் பார்த்து வச்சுக்கிட்டு மத்த டாக்ஸியோட்டும்  ஃப்ரண்ட்ஸ் மூலம் நம்மை அடிக்கப்போறான்'னார். இதுக்குத்தான் ஏகப்பட்ட ஜாக்கிச்சான் படங்களையெல்லாம் பார்க்கக்கூடாதுன்றது..... கேக்க மாட்டாரே...  :-)

இண்டுவை மட்டும் அடிக்கட்டும்.... அப்புறம் சீனப்போர்தான், ஆமாம்....

அறைக்கு வந்ததும்தான் மத்யானம் சாப்பாடை மிஸ் பண்ணது நினைவுக்கு வருது. சட்னு ஒரு காஃபி போட்டுக் குடிச்சுட்டு   அரை டம்ப்ளர் அரிசி களைஞ்சு மைக்ரோவேவில் வச்சேன்.  ரெண்டே நாளுக்குள் கொண்டுவந்த சாப்பாட்டு ஐட்டங்களைத் தீர்க்கணும்.  திருப்பிக் கொண்டு போக முடியாது. எங்கூர்லே  விடமாட்டாங்க.

என்ன இருக்குன்னு பார்த்தால்  வெஜ். பிரியாணி (எம் டி ஆர்) இருக்கு.  எனக்கு இதெல்லாம் அவ்வளவாப் பிடிக்காது.....  அதான் வெண்ணெய் வந்துருச்சே. பருப்புப்பொடி சாதம் மதி.  தொட்டுக்கப் புளிச்சட்டினி அண்ட் மாம்பழம்!  டிஸ்ஸர்ட் தயிர். ரெண்டு பேருக்கு ரெண்டு சமையல் !!!
இன்றைக்கு நமக்கு நாள் சரி இல்லை. மாவோவைப் பார்த்துட்டு வந்ததுலே இருந்து ஏமாந்துக்கிட்டே இருக்கோம்.
நாளையப் பொழுது நல்லதா இருக்கட்டும்!
சாப்பாடு ஆனதும்  சின்ன நடையில்  அஞ்சு மாடு பார்க்கப்போனோம்.  விளக்கு போட்டுருக்காங்க. ஆனால் மாடுகளைச் சுத்திதான்.

நல்ல கூட்டம் இந்த நடக்கும் தெருவில்.  இந்த நேரத்திலும்  குப்பை இருந்தால் சுத்தம் செய்ய துப்புரவுத் தொழிலாளி  ட்யூட்டியில் இருக்கார்.  காவல்துறையினரும்  கண்காணிச்சுக்கிட்டு இருக்காங்க.  மக்களும் அவுங்களுக்குக் கிடைச்ச கட்டுப்பாடான சுதந்திரத்தை அனுபவிச்சுக்கிட்டு இருக்காங்க.



நாங்களும் கொஞ்சம் விண்டோ ஷாப்பிங் செஞ்சுக்கிட்டுக் காலாற நடந்துட்டு வந்தோம்.

நாளைக்கு ஒரு முக்கியமான இடம் போகலாமுன்னு......

தொடரும்...:-)