அண்மைக்காக அலைந்தேன்!

பிட்டுக்கு 'படம்' சுமக்கும் மக்களா இருக்கோம். நடுவில் நாலைஞ்சு 'வீட்டுப்பாடம்' அசைன்மெண்ட்க்கு 'டிமிக்கி' கொடுத்தாலும் கற்றுக்கொள்ளும் ஆசையும் 'இன்னும் நானும் ஒரு மாணவி' என்ற போதையும் விட்டபாடில்லை:-)


இந்த அண்மைக்கு கூடியவரை 'மேக்ரோ'வைத் தவிர்க்கணும் என்று சொல்லி இருக்காங்க. அப்போ....தூரத்தில் இருப்பதைப் பக்கத்தில் கொண்டுவரணுமுன்னு நானாப் புரிஞ்சுக்கிட்டு சில படங்களும், மேக்ரோ போடாமல் கூடியவரை கிட்டக்கப்போய் எடுத்ததுமா கொஞ்சம் நம்ம தோட்டத்தில் அலைஞ்சேன். எல்லாம் குண்டு சட்டிக்குள் குதிரை ஓட்டும் முயற்சியே!

சில படங்களை உங்கள் பார்வைக்கு வச்சு விளம்பி இருக்கேன். பார்த்துட்டு தட்டோ, குட்டோ கொடுத்துட்டுப் போங்க.

வந்தாள் மகாலக்ஷ்மியே!!!! நம் வீட்டில் புதுசா வச்ச செடியில் முதலில் பூத்த தாமரை
நியூஸிக்கு புது வருகையா ஐரோப்பாவில் இருந்து இறக்குமதி. Regal Pelargonium. சனிக்கிழமை சாவறதைப்போல் வாடி வதங்கி இருந்த ஒரு சின்னச் செடியை(80% தள்ளுபடியில் போட்டு வச்சுருந்தாங்க)இலை டிஸைன் புதுசா இருக்கேன்னு ரிஸ்க் எடுத்து வாங்கியாந்தேன். இப்போ வளர்ந்து தளதளன்னு பூக்கொத்தாய் மலர்ந்துருக்கு!
ஒரு நாள் நம்ம ஸ்வாமிநாராயண் கோவிலில் நண்பரைச் சந்தித்தேன். அவருடைய அக்காவும் மாமாவும் இந்தியாவிலிருந்து விருந்துக்கு வந்துருக்காங்க. நண்பரின் மாமாவின் பெயரைக் கேட்டதும் 'அட! உங்க பெயரை என் வாழ்க்கையில் மறக்கமாட்டேன்'னேன். அவருக்கு ஒரே வியப்பு. ரொம்ப மகிழ்ச்சியோடு ஏன்னு கேட்டார். என் பூனை பெயர் அதுன்னதும் உண்டான திகைப்பை ஒரு நொடியில் முழுங்கிட்டு 'அப்பாடா...'ன்னு நிம்மதிப் பெருமூச்சு விட்டார். காரணம்.... நாயின் பெயர்ன்னு சொல்லாம விட்டேனாம்:-))))

ராஜலக்ஷ்மின்னு ஒரு பூனை இருக்கான்னார். இருக்குன்னேன்! போன நிமிஷம்வரை Bபாம்பின்னு கூப்பிட்டுக்கிட்டு இருந்த நம்மூட்டு விஸிட்டருக்கு நாமகரணம் உடனே ஆச்சு:-)

ராஜலக்ஷ்மி
என்னமோ வளர்க்கும் வீட்டில் தண்ணியைக் கண்ணுலேயே காண்பிக்காததைப்போல நம்மூட்டுத் தாமரைக்குளத்தில் குடிக்க வந்துடறார்!!!
'பிங்க்' செம்பருத்தி:-)
வேலி ஓர ரோஜா..... ஒரு செடியின் இருமலர்கள்


ஒரு நகைப்பூவின் இரு புறம்!


கோல்டன் ப்ளம்
மஞ்சள் ரோஜா
உலக அதிசயமா இந்த ஊரில் ஊமத்தை! அதுவும் நம் வீட்டில்:-)))))
அம்மாவுக்கு மட்டும்தான் திராட்சைத் தோட்டமா? ச்சும்மாவுக்குதான்:-)
வண்டு வருகின்றது......

கீழே உள்ள மூணும் நம்ம வீட்டைவிட்டு வெளியில் போய் எடுத்தவைகளாக்கும் கேட்டோ:-))))
ஸீகல்கள்
படகுகள்
கப்பல்